Cadw eich grŵp i fynd
Mae Grwpiau’n Parhau Pan...
Mae’ch grŵp yn fwy tebygol o barhau pan fo’r baich yn cael ei rannu, pan fo hwyluswyr yn cefnogi ei gilydd, a phan fo’r disgwyliadau’n realistig. Ni all neb gario grŵp ar ei ben ei hun am byth. Mae gofalu amdanoch eich hun yn rhan o ofalu am y grŵp.
Awgrymiadau Ymarferol:
Adeiladwch dîm bach – Cymerwch seibiannau – Dathlwch lwyddiannau – Gofynnwch am help.
Os yw’r niferoedd yn isel – Daliwch ati. Mae dau ddyn yn cyfrif. Mae tri dyn yn cyfrif.
Mae’r grwpiau mwyaf llwyddiannus yn tyfu’n araf. Mae cysondeb yn bwysicach na niferoedd.
Mae goruchwyliaeth yn helpu os gallwch gael mynediad ati.
Siaradwch yn rheolaidd â hwyluswyr eraill. Peidiwch â chario popeth ar eich pen eich hun.
Byddwch yn rhan o rywbeth mwy os yw hynny’n addas i chi!
Mae cryfder gwirioneddol mewn cysylltu â rhwydweithiau ehangach fel ANDYSMANCLUB a Men’s Sheds UK – does dim rhaid i chi ailddyfeisio’r olwyn, a does dim rhaid i chi gario’r cyfan ar eich pen eich hun. Mae bod yn rhan o rwydwaith yn golygu rhannu dysgu a rhannu cymorth, a gwybod bod grwpiau eraill ledled Cymru yn wynebu’r un heriau.
Hyrwyddo Eich Grŵp
Sut Mae’r Grŵp yn Dod Yn Ei Flaen? Mesur Effaith (Cadwch Bethau’n Syml)
Nid oes angen ffurflenni cymhleth nac asesiadau ffurfiol i redeg grŵp dynion da. Os ydych chi newydd ddechrau, peidiwch â gadael i’r syniad o “fesur effaith” eich arafu. Wedi dweud hynny, gall adborth syml fod yn ddefnyddiol.
Gofynnwch o bryd i’w gilydd: A yw’r grŵp hwn wedi eich helpu? Beth sy’n gweithio’n dda? Beth allem ni ei wella?
Mae straeon ac adborth yn aml yn bwysicach na niferoedd. Gall “mae hyn wedi fy helpu” tawel neu rywun sy’n parhau i ddod i’r grŵp yn rheolaidd ddweud llawer wrthych. Os daw cyllid yn rhan o’ch taith yn nes ymlaen, gallwch bob amser ychwanegu mwy o strwythur. Am y tro, canolbwyntiwch ar fod yno’n gyson a chreu lle sy’n teimlo’n ddiogel ac yn ddefnyddiol.
Felly, Beth Nesaf?
Os ydych chi wedi darllen mor bell â hyn, mae’n debyg bod rhan ohonoch yn meddwl, “Efallai y gallwn i wneud hyn.” Mae’r teimlad hwnnw’n bwysig. Nid yw newid yn dechrau gyda chynlluniau mawr – mae’n dechrau gyda rhywun yn penderfynu creu lle.
Os ydych chi’n aros i deimlo’n gwbl barod, efallai y byddwch chi’n aros am byth. Mae’r rhan fwyaf o grwpiau’n dechrau gydag ansicrwydd, tipyn o nerfau, ac un person sy’n barod i gymryd y cam cyntaf.
Mae angen mwy o lefydd lle gall dynion eistedd i lawr a siarad.
Nid oes angen cyllideb fawr, brand perffaith na strategaeth bum mlynedd arnoch. Nid oes angen cynllun perffaith arnoch. Yr hyn sydd ei angen arnoch mewn gwirionedd yw lle, tegell, a’r parodrwydd i fod yno.
Nid oes rhaid iddo fod yn fawr nac yn drawiadol. Mae’n rhaid iddo fod yn real.
Dechreuwch ble rydych chi – yn eich tref, eich pentref, eich gweithle, eich clwb rygbi, eich neuadd gymunedol, neu hyd yn oed gyda thaith gerdded syml o amgylch y bloc. Nid oes rhaid iddo fod yn fawr nac yn drawiadol. Mae’n rhaid iddo fod yn real. Dewiswch ddyddiad, gwahoddwch ychydig o bobl, cadwch bethau’n syml a daliwch ati. Nid yw momentwm yn dod o berffeithrwydd – mae’n dod o gysondeb.
Pob hwyl gyda’r peth. O ddifrif. Fydd hi ddim yn berffaith. Bydd rhai nosweithiau’n teimlo’n wych, a bydd rhai’n teimlo’n eithaf gwag. Mae hynny’n normal. Daliwch ati i fod yno. Rydych chi’n gwneud rhywbeth sy’n bwysig – yn fwy nag y mae’n debyg eich bod yn sylweddoli.
